Asosiy qismga o'tish

Shu sahifaJava Pro

0to'g'ri javob
0takrorlash kerak
—aniqlik

Stack va Heap

☕ Java 8+1Z0-8301Z0-829#xotira#stack#heap#pass-by-value

Qisqa javob: stack (stek) — har bir metod chaqiruvi uchun ochiladigan vaqtinchalik “daftar”, unda lokal o’zgaruvchilar turadi. Heap (uyum) — new bilan yaratilgan barcha obyektlar yashaydigan umumiy xotira. Stack’dagi o’zgaruvchi obyektning o’zini emas, unga havolani (reference) saqlaydi.

Heap — katta ombor: unda mebellar (obyektlar) turadi. Stack — sizning stol ustidagi qog’ozlaringiz: har bir topshiriq (metod) uchun yangi varaq olasiz, unga kichik narsalarni (sonlar) to’g’ridan-to’g’ri yozasiz, katta narsalar uchun esa faqat “ombor, 7-javon” deb manzil yozasiz. Topshiriq tugasa, varaq tashlanadi, lekin ombordagi mebel joyida qoladi.

Metod chaqirilganda xotirada nima bo’ladi?

“Metod chaqirilganda xotirada nima bo’ladi?” bo'limi

Quyidagi kodni animatsiyada qatorma-qator kuzatamiz. Boshlash tugmasini bosing yoki qadamlarni bittalab o’ting (klaviatura: Space, ← →).

Main.java
public class Main {
public static void main(String[] args) {
int x = 5;
Point p = new Point(1, 2);
move(p, x);
reset(p);
// p.x == ? x == ?
}
static void move(Point q, int n) {
q.x = q.x + n;
n = 0;
}
static void reset(Point q) {
q = new Point(0, 0);
}
}
class Point {
int x, y;
Point(int x, int y) { this.x = x; this.y = y; }
}
Animatsiya
Alohida sahifa
Qadam 1 / 12
joriy qatorprimitiv qiymathavola (reference)heap'dagi obyekttirikGC uchun tayyor
  • Har bir threadning o’z stack’i bor (concurrency 11-modulda).
  • Har bir metod chaqiruvi — yangi frame. Unda: parametrlar, lokal o’zgaruvchilar, oraliq natijalar.
  • Metod tugashi bilan frame o’chadi — tozalash avtomatik va juda tez. GC bu yerga aralashmaydi.
  • Oxirgi kirgan — birinchi chiqadi (LIFO): main → a() → b() bo’lsa, avval b tugaydi.
  • Stack hajmi cheklangan. Cheksiz rekursiya → StackOverflowError.
  • new bilan yaratilgan barcha obyektlar va massivlar shu yerda.
  • Obyektning maydonlari (fields) ham obyekt bilan birga heap’da turadi — hatto int bo’lsa ham.
  • Barcha thread’lar uchun umumiy.
  • Obyekt kerak bo’lmay qolganda uni Garbage Collector tozalaydi — keyingi dars.
  • Joy tugasa → OutOfMemoryError.
Stack Heap
Nima saqlanadi Lokal o’zgaruvchilar, parametrlar Obyektlar, massivlar, ularning maydonlari
Kimga tegishli Har bir thread’ga alohida Hamma thread’larga umumiy
Qachon tozalanadi Metod tugashi bilan GC qachon kerak deb topsa
To’lib ketsa StackOverflowError OutOfMemoryError

Primitiv va reference o’zgaruvchilar

“Primitiv va reference o’zgaruvchilar” bo'limi

8 ta primitiv tur: byte, short, int, long, float, double, char, boolean.

int a = 10;
int b = a; // qiymat nusxalandi
b = 20;
// a == 10, b == 20 — bir-biriga bog'liq emas

O’zgaruvchida qiymatning o’zi turadi.

Metodga argument berilganda har doim nusxa beriladi:

  • primitiv bo’lsa — qiymatning nusxasi;
  • reference bo’lsa — havolaning nusxasi (obyekt nusxalanmaydi!).

Shuning uchun metod ichida:

Amal Chaqiruvchi tomonda ko’rinadimi?
Primitiv parametrga yangi qiymat berish (n = 0) ❌ Yo’q
Obyekt maydonini o’zgartirish (q.x = 6, list.add(..)) ✅ Ha — obyekt bitta
Parametrga yangi obyekt berish (q = new Point(..)) ❌ Yo’q — faqat nusxa-strelka buriladi

📝 Mini-test

0 / 7

1. Kod nima chiqaradi?

public class Test {
static void change(int n) {
n = n * 2;
}
public static void main(String[] args) {
int x = 10;
change(x);
System.out.println(x);
}
}

2. Kod nima chiqaradi?

public class Test {
static void f(Box b) {
b.v = 7;
b = new Box();
b.v = 9;
}
public static void main(String[] args) {
Box box = new Box();
f(box);
System.out.println(box.v);
}
}
class Box { int v; }

3. Kod nima chiqaradi?

public class Test {
static void add(String s, StringBuilder sb) {
s = s + "!";
sb.append("!");
}
public static void main(String[] args) {
String s = "Hi";
StringBuilder sb = new StringBuilder("Hi");
add(s, sb);
System.out.println(s + " " + sb);
}
}

4. Quyidagi gaplardan qaysilari to'g'ri? (2 ta javobni tanlang)

5. Kod natijasi qanday?

public class Test {
static int count(int n) {
return count(n + 1);
}
public static void main(String[] args) {
System.out.println(count(0));
}
}

6. Kod natijasi qanday?

public class Test {
int a;
public static void main(String[] args) {
int b;
Test t = new Test();
System.out.println(t.a);
System.out.println(b);
}
}

7. Kod nima chiqaradi?

public class Test {
public static void main(String[] args) {
String[] arr = new String[3];
System.out.println(arr[1]);
}
}
  • Stack — har bir thread uchun alohida; har bir metod chaqiruvi = yangi frame; metod tugasa frame o’chadi
  • Heap — barcha obyektlar va massivlar (maydonlari bilan birga); umumiy; GC tozalaydi
  • Primitiv o’zgaruvchida — qiymat, reference o’zgaruvchida — havola
  • Java har doim pass-by-value: obyekt maydonini o’zgartirish ko’rinadi, parametrni boshqa obyektga burish — ko’rinmaydi
  • Maydon va massiv elementlari default qiymat oladi, lokal o’zgaruvchilar olmaydi (compile error)
  • Cheksiz rekursiya → runtime’da StackOverflowError (Error, Exception emas)
Progress faqat shu brauzerda saqlanadi.